MATRONI NA MPISHI WA SHULE

UFALME SCHOOLS

VIKAWE SHULE, KATA YA PANGANI, KIBAHA, PWANI

NAFASI YA KAZI: MATRONI NA MPISHI WA SHULE – UFALME SCHOOLS

Majukumu ya Kazi:

Matroni na Mpishi wa shule ana jukumu la kuhakikisha ustawi, usalama, na afya ya watoto shuleni, hasa wale wanaolala bweni. Majukumu yake ni pamoja na:

✅ Malezi na Ustawi wa Watoto

• Kuhakikisha watoto wanatunzwa vizuri na wanapata mazingira salama na yenye upendo.
• Kusimamia usafi wa wanafunzi, mavazi, na nidhamu yao ya jumla.
• Kusaidia watoto wenye changamoto za kiafya kwa kushirikiana na wahudumu wa afya wa shule.

✅ Usafi na Utaratibu wa Mabweni

• Kusimamia usafi wa mabweni, vyoo, vitanda, nguo, na vifaa vya watoto.
• Kuhakikisha watoto wanazingatia muda wa kulala, kuamka, na ratiba ya kila siku.

✅ Uhusiano na Walimu na Wazazi

• Kushirikiana na walimu kuhakikisha watoto wanapokea malezi bora.
• Kuwasiliana na wazazi kuhusu maendeleo ya watoto wao, hasa kuhusu afya na tabia zao.

✅ Usalama wa Watoto

• Kuhakikisha watoto wako salama wakati wote na kuzingatia taratibu za shule.
• Kuchukua hatua za haraka pale mtoto anapoumwa au kuwa na matatizo yoyote.

✅ Mapishi na Maandalizi ya Chakula

• Kupika chakula cha shule wakati wa mchana na kuwapikia watoto wa boarding jioni na weekend.
• Kupika chakula kizuri, chenye lishe, na salama kwa watoto wa umri wa miaka 2 na kuendelea.
• Kuhakikisha chakula kinaandaliwa kwa wakati na kwa viwango vya juu vya usafi.
• Kushirikiana na uongozi wa shule kupanga mlo wenye afya kwa watoto.
• Kuhakikisha chakula kinatosha kwa wanafunzi wote kwa muda wa siku nzima.

✅ Usafi wa Jikoni na Vifaa vya Kupikia

• Kusimamia usafi wa jikoni, vyombo, na sehemu za kula.
• Kuhakikisha chakula kinatunzwa kwa njia salama ili kuepuka magonjwa ya tumbo.

• Kuhakikisha kanuni za afya na usafi wa chakula zinazingatiwa.
• Kuwasiliana na uongozi wa shule kuhusu mahitaji yoyote ya chakula au vifaa vya kupikia.

VIGEZO VYA MUOMBAJI (MATRONI & MPISHI)

✔ Elimu: Awe na elimu ya kidato cha nne au zaidi, mafunzo ya malezi ya watoto au hotelia/upishi itakuwa kigezo cha nyongeza na faida kwa muombaji.

✔ Uzoefu: Awe na uzoefu wa angalau miaka 2 katika malezi ya watoto na upishi, hasa katika shule au taasisi zinazohudumia watoto wadogo (mwaka 1+).

✔ Sifa za Kibinafsi: Awe msafi, mwenye nidhamu, uaminifu, uvumilivu, na upendo kwa watoto, pamoja na uwezo mzuri wa kuwasiliana na watoto, wazazi, na walimu.

✔ Ustadi wa Kazi: Awe hodari katika kupika chakula, kusimamia usafi wa jikoni na mabweni, na kushughulikia mahitaji ya watoto kwa hekima na busara.

✔ Afya na Uwezo wa Kazi: Awe na afya njema, nguvu za kufanya majukumu mchanganyiko.

Jinsi ya Kutuma Maombi:

Tuma Barua ya Maombi ikielezea ujuzi na uzoefu wako. Tuma kwa Email [email protected]  mwisho wa kutuma ni 21/03/2025.

NB: Nafasi hii ni kwa wanawake tuu.

Go to our Homepage To Get Relevant Information.